O exnúmero 2 de Interior José Antonio Nieto admitiu a derrota no relato sobre o ocorrido en materia de seguridade no procés e explicou que os independendistas conseguiron que se dese a volta á realidade.
"Chegouse a que a noticia fose que o can morde ao home e non que o home morde ao can", lamentou o exsecretario de Estado de Seguridade na súa declaración como testemuña no xuízo do procés, onde defendeu a actuación "exemplar" da Policía e Garda Civil.
"O uso da forza foi o mínimo imprescindible", recalcou Nieto, quen apuntou que os impulsores do procés deseñaron unha estratexia que "funcionou" no mediático, no "relato que puxo en marcha ese movemento independentista".
Ao seu xuízo, chegouse a un punto no que se destorceu "o normal", que é que "a policía actúe cando é necesario para evitar un delito e que o resto dos cidadáns acaten e respecten esa actuación policial".
"Neste caso a quen se vía facendo algo malo era á policía cando defendía a legalidade e non ao resto cando trataba de vulnerala", engadiu Nieto, que se presentou ante o tribunal como o máximo responsable na toma de decisións das forzas e corpo de seguridade do Estado o 1-O.
Nieto defendeu a actuación policial do 1-O que cualificou de "exemplar" porque "o uso da forza foi o mínimo imprescindible" a pesar de que "o entorno era moi complexo".
