O estadounidense Tiger Woods pechou este domingo unha xornada histórica, ao asinar un cuarto cartón con 69 golpes (tres baixo par), para un total de 274 (-14), que lle permitiron facerse co Masters de Augusta e, con iso, vestir a que é a súa quinta "chaque verde".
Aos seus 43 anos, catorce anos logo de dominar en Augustra por cuarta vez, Tiger volveu a deleitar a todos, a xogar como fixo nos anos que era o número 1 mundial.
Fíxoo nunha xornada que iniciou a dous golpes, do entón líder, o italiano Francesco Molinari, na que alternou seis 'birdies' e dous 'boggies', e deleitando ao numeroso público presente o Augusta. Non é de estrañar que tras embocar o último 'putt' alzase os brazos ao ceo e lanzase un berro liberador.
Tras dominar o campo de Augusta en 1997, 2001, 2002 e 2005, fíxose coa súa quinta "chaqueta verde". É, ademais, o seu décimo quinto grande, pois ten no seu haber tres Abertos dos Estados Unidos (2000, 2002, 2008), tres Abertos Británicos (2000, 2005, 2006) e catro Campionatos da PGA (1999, 2000, 2006, 2007).
