Aumenta a once o número de detidos por vinte e un roubos en casas da Coruña

O número de detidos por cometer presuntamente vinte e un roubos en domicilios da provincia da Coruña, informou o delegado do Goberno en Galicia, Santiago Villanueva. Durante o acto central do Día das Forzas Armadas, Villanueva explicou aos medios de comunicación que este xoves á noite houbo un detido máis na operación Pedra, polo que xa son once os implicados no caso, todos de entre vinte e trinta anos da Coruña e Carral.

O delegado do Goberno comentou que están imputados pola comisión de vinte e un roubos en domicilios, aos que accedían tras romper cunha pedra portas ou fiestras, o que dá nome á operación, e só accedían se non escoitaban ruído no interior. "Roubaban móbiles, diñeiro, xoias, televisores e radiadores. Nalgúns casos foron a casas de empeño para empeñar as xoias", destacou Villanueva.

Nun primeiro momento practicáronse cinco detencións e posteriormente houbo outras seis, polo que "este venres pasarán cinco deles a disposición xudicial no número catro da Coruña".

A Unidade Orgánica de Policía Xudicial da Garda Civil da Coruña actuou contra este grupo criminal composto por mozos de entre vinte e trinta anos, todos eles naturais e veciños da Coruña e pobos limítrofes que se dedicaban ao roubo de domicilios habitados en zonas rurais. Os roubos foron perpetrados de xeito maioritario nas poboacións de Abegondo, Carral e Ordes e en tres rexistros puidéronse atopar numerosos efectos procedentes de roubos.