Empresa e sindicatos alcanzan un preacordo para desconvocar a folga na ITV galegas
A empresa SyC e os sindicatos CC.OO., CIG , CSIF e UXT alcanzaron un preacordo para desconvocar a folga indefinida que comezará o luns 16 nas estacións da Inspección Técnica de Vehículos (ITV) da Galicia
Esa desconvocatoria dependerá de que os traballadores dean o visto e prace. Nas cinco estacións da provincia de Lugo e noutras tantas da de Ourense celebraranse este xoves asembleas para sometelo a votación e nas 10 coruñesas e outras tantas pontevedresas repartirase a consulta en dous días, o venres tamén.
Ese preacordo obtívose coa intervención do Acordo Interprofesional Galego de Solucións de Conflitos Laborais (Aga), órgano que depende do Consello Galego de Relacións Laborais. Actuou como mediador o lucense Demetrio Fernández.
Uns 600 traballadores afectados en Galicia
En Galicia traballan unhas 600 persoas nas estacións de ITV, delas un centenar na provincia de Lugo.
O principio de acordo contempla unha subida salarial do IPC real máis un 2% para cada un dos catro anos desde 2024 ata 2027. Ademais, achegaranse soldos e condicións laborais entre o persoal de nbsp;oficinas&e de naves. E dos 24 sábados que traballan ao ano, non terán que facelo seis e nos 18 restantes sairán á unha e media do mediodía, no canto da as 14.30 horas.
O responsable da federación de Industria de CC.OO. en Lugo, José Luís López, valorou este preacordo porque se aproxima bastante ás reivindicacións en materia salarial e de condicións laborais entre oficinas e naves, pero a empresa aínda non se achegou ás demandas das cinco xornadas semanais".
José Luís López destacou que "a empresa avanzou máis nas tres reunións negociadoras celebradas desde que se iniciaron as mobilizacións que nas 13 anteriores". O persoal secundou maioritariamente os paros todos os sábados de agosto desde o día 10 e o pasado venres 6.