Galiciaé ofréceche un curso online de monitor de tempo libre por 99 euros

Este martes falámosvos do curso online de monitor de lecer e tempo libre, ao que vos podedes inscribir por só 99 euros, e que está certificado pola Universidade Antonio de Nebrija. A duración do curso online de Monitor de lecer e tempo libre é de 110 horas e abriravos unha gran cantidade de portas no mercado laboral.

Trátase da Certificación Universitaria de Monitor de lecer e tempo libre da Universidade Antonio de Nebrija que, ademais, inclúe catro créditos universitarios ECTS.

Unha vez acabado o curso, os alumnos que cumpran co nivel de satisfacción previsto (o 75% das respostas totais) recibirán por correo as titulacións correspondentes; ademais de poder entrar gratuitamente nas bolsas e ofertas de emprego tanto públicas como privadas. Antes, cada vez que finalicen un dos bloques temáticos nos que está estruturado o curso de monitor de lecer e tempo libre, terán á súa disposición unha serie de cuestionarios nos que comprobar que evolucionan de forma satisfactoria.

En canto aos contidos do curso, céntrase na xestión do tempo de lecer dos alumnos a través de técnicas de resolución de conflitos, comunicación e dinámica de grupos desde unha perspectiva psicoeducativa e recreativa. Aprenderemos actividades socioculturais, deportivas ou ao aire libre segundo a contorna en que esteamos, aprenderemos a planificar e aplicar as actividades e, como non, a importancia do monitor de lecer na educación dos nenos.