O Celta de Vigo anunciou este martes a incorporación do defensa internacional paraguaio Júnior Alonso, quen chega cedido do Lille francés, aínda que o club galego gárdase unha opción de compra sobre os dereitos federativos do futbolista.
"É un defensa zurdo que desempeña con idéntica solvencia a función de central e lateral esquerdo e que ofrece agresividade, boa técnica e unha gran seguridade", destaca o Celta no seu comunicado de prensa.
Co Lille, Júnior disputou un total de 46 partidos e anotou dous goles na liga francesa. Coa súa selección, xogou 18 encontros e marcou un gol.
O internacional paraguaio é o sétimo reforzo do equipo dirixido por Antonio Mohamed para a tempada 2018-19, e o terceiro defensa tras as incorporacións anteriores do lateral esquerdo David Juncà e o central mexicano Néstor Araujo.
