Novak Djokovic derrotou Rafael Nadal por 6-3, 6-2 e 6-3 na final, para gañar por sétima vez o Aberto de Australia.
Na reedición da final disputada en 2012 entre ambos, Djokovic, xa asentado no número un do mundo, impúxose a Nadal cun colosal servizo, en tan só dúas horas e catro minutos para gañar o seu décimo quinto título do Grand Slam.
Con esta derrota, o balear non poderá converterse no primeiro xogador de éraa Open en conseguir cada un dos campionatos 'major' por partida dobre. O serbio supera co título, os seis do suízo Roger Federer e do australiano Roy Emerson como xogadores con máis títulos en Melbourne Park, e lidera xa en solitario esta lista.