Un total de 11 provincias terán o mércores 21 de decembro aviso de risco (amarelo) ou risco importante (laranxa) por fenómenos costeiros, vento, precipitacións ou baixas temperaturas, segundo a Axencia Estatal de Meteoroloxía (Aemet). Así, os fenómenos costeiros manterán con aviso laranxa a Mallorca, Menorca e Xirona, onde se espera ventos do norte con intervalos de forza oito (ata 74 quilómetros por hora) e ondas de catro a seis metros de altura. Con aviso de risco (amarelo) estarán Eivissa e Formentera, Castelló, Valencia e no noroeste, A Coruña, Lugo e Asturias.
PREVISIÓNS METEOROLÓXICAS. A previsión da Aemet para este mércores é dun día nubrado ou cuberto no norte de Galicia.
En canto á cota de neve, a Aemet informa de que ao principio do día situarase entre 1.000 e 1.300 metros de altura no Pirineo catalán e entre 1.300 e 1.600 metros no resto, aínda que subirá rapidamente.
Respecto das temperaturas, Meteogalicia prevé que as diúrnas subirán na comunidade, con mínimas que se situarán entre os 6 graos de Lugo e os 11 da Coruña, e máximas de entre nove graos (Ourense) e 14 (Pontevedra).
