A empresa Hijos de Rivera, propietaria de marcas como Estrella Galicia 1906, anunciou a incorporación da cervexeira artesá valenciana Tyris ao seu proxecto empresarial. Esta alianza reforza o seu posicionamento no segmento big craft, onde xa conta coa portuguesa Nortada e a irlandesa O'Hara's. Ignacio Rivera presidente da corporación, destacou a conexión en valores como a tradición e o arraigamento local para esta colaboración.
Tyris, fundada fai 15 anos e participada na súa maioría por Zriser, alcanzará unha produción de máis de 500.000 litros de cervexa este ano, cunha facturación de 1,7 millóns de euros. A súa gama de cervexas caracterízase polo "seu espírito artesán, creatividade e variedades como Original Ipa e Märzen", entre outras. Ademais, conta cun local de hostalería na cidade do Turia onde se poden degustar acompañadas de tapas e pizzas.
Pablo Serratosa, presidente de Zriser, mostrouse entusiasmado con esta alianza estratéxica, destacando que beneficiará a ambas as organizacións e consolidará a súa presenza no arco mediterráneo. Hijos de Rivera segue aberta a novas incorporacións que compartan a súa filosofía big craft, fortalecendo así a súa posición no mercado valenciano xunto a Tyris, unha cervexeira emblemática para os consumidores locais.
